Amsterdam, haustið 1686

  • Höfundur: Ritstjórn Forlagsins
Smámyndasmiðurinn

Smámyndasmiðurinn eftir Jessie Burton (e. The Miniaturist) hefur farið sigurför um heiminn undanfarin ár og er nú komin í íslenskri þýðingu. Sunday Times kallaði bókina „útgáfutíðindi ársins“ þegar hún kom út á frummálinu og fjölmargir miðlar hafa hlaðið hana lofi síðan.

Smámyndasmiðurinn er söguleg skáldsaga sem gerist í Amsterdam haustið 1686 en þangað kemur hin 18 ára Nella til að hefja nýtt líf sem eiginkona vellauðugs kaupmanns. Brúðargjöf hans til Nellu er sérkennileg: skáphús sem er líkan af heimili þeirra. Hún fær smámyndasmið til að útbúa eftirmyndir heimilisfólks og húsbúnaðar en listamaðurinn er viðsjáll og dularfullur og munir hans spegla veruleikann á geigvænlegan hátt.

Skáphúsið veitir Nellu yfirsýn yfir heimilislífið og samhliða því sem leyndarmál hússins verða henni ljós skynjar hún háskann magnast.

Höfundurinn, Jessie Burton, er leikkona, fædd í London 1982. Smámyndasmiðurinn er fyrsta bók hennar. Sagan hefur hlotið margháttaða viðurkenningu og ýmis verðlaun, og verið þýdd á 35 tungumál.

Hannah Kent, höfundur metsölubókarinnar Náðarstund og sérlegur Íslandsvinur, er mikill aðdáandi bókarinnar og lét hafa eftir sér: „Þegar ég kláraði söguna langaði mig strax að byrja á henni aftur.“

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd