Anton Helgi fær Ljóðstaf Jóns úr Vör í annað sinn

  • Höfundur: Ritstjórn Forlagsins
Anton Helgi Jónsson

Anton Helgi Jónsson hlaut í dag Ljóðstaf Jóns úr Vör fyrir ljóð sitt „Horfurnar um miðja vikuna“. Þetta kom fram við athöfn á afmælisdegi Jóns í Salnum þar sem niðurstöður ljóðasamkeppninnar voru kynntar. Tíu ljóð komust í úrslit keppninnar að þessu sinni og tvö af þeim reyndust vera eftir Anton Helga, verðlaunaljóðið og annað til. Þetta er ekki í fyrsta skiptið sem skáldið hlýtur þessi ljóðaverðlaun. Anton Helgi hlaut Ljóðstafinn fyrst árið 2009 fyrir ljóðið „Einsöng án undirleiks“. Sama ár fékk hann sérstaka viðurkenningu fyrir stutt ljóð sem heitir Vorganga í Dölum. Bæði ljóðin birtust síðar í bókinni Tannbursti skíðafélagsins og fleiri ljóð. Bæði nýju ljóðin, verðlaunaljóðið og hitt sem komst í úrslit, birtast í næstu ljóðabók skáldsins sem væntanleg er hjá Máli og menningu síðar á þessu ári.

Horfurnar um miðja vikuna
Það er bara miðvikudagur
enn getur allt gerst 
enn er von

enn má finna rétta taktinn
finna sinn hljóm
jafnvel finna sig í góðu lagi

allt getur gerst

meðan enn leynist bílskúr
baka til í hausnum á mér
og band
sem djöflast frameftir.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd