Arnaldur og Lilja slá í gegn í Frakklandi

  • Höfundur: Ritstjórn Forlagsins
Arnaldur og Lilja

Glæpasagnahöfundarnir Arnaldur Indriðason og Lilja Sigurðardóttir ásamt Ragnari Jónssyni hafa undanfarna daga verið í Frakklandi á upplestrarferð ásamt því að sækja fjölsóttu glæpasagnahátíðina Quais du Polar sem haldin er árlega í Lyon.

Hátíðinni lauk í gær eftir viðburðarríka daga fyrir höfundana. Arnaldur Indriðason fylgdi þar eftir útgáfu á bók sinni Þýska húsið sem kom út í febrúar og Lilja Sigurðardóttir fylgdi eftir Gildrunni sem kom út í síðustu viku en báðir höfundar eru gefnur út af hinu virta forlagi Métailié.

Svo virðist sem að höfundarnir hafi heldur betur slegið í gegn en fyrirlestrar og upplestrar voru gríðarlega vel sóttir. Í Lyon hlýddu yfir 500 manns á höfundana fjalla um verkin sín og var ásóknin í undirritun hjá Arnaldi slík að röðin náði í utan um höllina þar sem viðburðurinn var haldinn og bækur Lilju Sigurðardóttur seldust upp á meðan árituninni stóð.

Höfundarnir hafa setið fyrir svörum í fjölmiðlum en það var í viðtali við Le Point sem Lilja Sigurðardóttir kom inn á það hvernig bankahrunið breytti sýn okkar Íslendinga á hvaða áhrif við sem þjóð getum haft á umhverfið, að við getum raunverulega haft áhrif á alþjóðasamfélagið. Hún hnykkti svo út með því að hún noti náttúruna með sama hætti og Raymond Chandler notist við vopnaða menn í verkum sínum „Þegar þú ert í vafa, þá dregurðu fram eldfjall“.

Við hjá Forlaginu vonum þó að ekkert verði eldgosið til að tefja heimför þeirra og óskum þeim góðrar ferðar heim aftur.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd