Barnagæla, Konan í glugganum og Sonurinn tilnefndar til Ísnálarinnar 2018

  • Höfundur: Ritstjórn Forlagsins
Icepick Award

Icepick Award

Á dögunum voru tilnefningar til Ísnálarinnar 2018 tilkynntar og eru þrjár af fimm tilnefndum bókum gefnar út af Forlaginu. Þær eru Barnagæla eftir Leilu Slimani í þýðingu Friðriks Rafnssonar, Konan í glugganum eftir A.J. Finn í þýðingu Friðriku Benónýsdóttur og Sonurinn eftir Jo Nesbø í þýðingu Bjarna Gunnarssonar. Ísnálin eru verðlaun sem eru veitt fyrir best þýddu glæpasöguna á íslensku, þar sem saman fara góð þýðing og góð saga.

Einnig voru bækurnar Ég er að spá í að slútta þessu eftir Iain Reid í þýðingu Árna Óskarssonar og Ósýnilegi verndarinn eftir Dolores Redondo í þýðingu Sigrúnar Ástríðar Eiríksdóttur tilnefndar til Ísnálarinnar í ár. Tilkynnt verður um verðlaunahafa á alþjóðlegu glæpasagnahátíðinni Iceland Noir í Reykjavík í nóvember, en þetta er fimmta árið sem verðlaunin verða veitt. Áður hafa Joël Dicker og Friðrik Rafnsson, Jo Nesbø og Bjarni Gunnarsson, Marion Pauw og Ragna Sigurðardóttir og Ann Cleeves og Snjólaug Bragadóttir hlotið Ísnálina.

Að verðlaununum standa Iceland Noir glæpasagnahátíðin, Hið íslenska glæpafélag og Bandalag þýðenda og túlka. Dómnefnd skipa Katrín Jakobsdóttir, Kolbrún Bergþórsdóttir, Jóhann R. Kristjánsson og Ragnar Jónasson.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd