Berlínaraspirnar í sjónvarpinu

  • Höfundur: Ritstjórn Forlagsins

Ríkissjónvarpið hefur hafið sýningar á norskri þáttaröð byggðir á metsölubókum Anne B. Ragde. Serían heitir eftir fyrstu bókinni í Neshov-seríunni svokölluðu og nefnist Berlínaraspirnar en þættirnir hafa notið mikilla vinsælda víða um Skandinavíu.

Það eina sem Neshov-fjölskyldan á sameiginlegt er bújörðin. En það er heldur ekki svo lítið.

Neshov-bræðurnir þrír hittast í fyrsta skipti í mörg ár við banabeð móður sinnar. Yngsti bróðirinn, Erlend, vinnur við gluggaútstillingar í Kaupmannahöfn. Margido á litla útfararstofu í Þrándheimi og elsti bróðirinn, Tor, er bóndi á fjölskyldubýlinu í nágrenni Þrándheims. Torunn er óþekkt dóttir Tors sem hittir fjölskylduna fyrst þegar amma hennar veikist.

Fundur þeirra við sóttarsæng gömlu konunnar reynist örlagaríkur fyrir þau öll. Tilfinningar sem þau héldu að væru löngu gleymdar og grafnar dúkka aftur upp og nýjar kenndir vakna þegar hulunni er svipt af ljótum leyndarmálum.

Leikstjórar eru Anders T. Andersen og Sirin Eide og meðal leikenda eru Nils Sletta, Espen Skjønberg, Bjørn Sundquist, Jon Øigarden, Andrine Sæther og Morten Rose.

Berlínaraspirnar unnu Prix Italia verðlaunin á Sikiley, voru tilnefndar til þrennra verðlauna á norsku kvikmynda- og sjónvarpsverðlaunahátíðinni og Nils Sletta sem leikur Tor var tilnefndur til alþjóðlegu Emmy-verðlaunanna.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd