Bestu ástarsögurnar

  • Höfundur: Ritstjórn Forlagsins
Hroki og hleypidómar

Í síðasta þætti Bergsson og Blöndal á Rás 2 var kosið um bestu ástarsögu allra tíma. Hlustendur völdu sína uppáhalds bók á facebook-síðu þáttarins og hringdu inn til að koma sinni bók á framfæri. Að lokum var tekinn saman listi yfir tíu bestu ástarsögurnar.

Besta ástarsagan, sú sem lenti í fyrsta sæti, er klassíkin Hroki og hleypidómar eftir Jane Austin sem Silja Aðalsteinsdóttir þýddi. Rætt var við Silju í þættinum en hún er einlægur aðdáandi bókarinnar og les hana á hverju einasta ári.

Í öðru sæti var hin gríðarlega áhrifamikla Karitas án titils eftir Kristínu Marju Baldursdóttur en sú metsölubók hefur aldeilis hreyft við mörgum lesendum.

Í þriðja sæti var Kapítóla eftir Emmu Southworth sem kom út sem smásaga á 19. öld og í bókarformi árið 1905.

Aðrar bækur sem voru nefndar sem bestu ástarsögur allra tíma voru meðal annars Salka Valka, Íslandsklukkan, Óbærilegur léttleiki tilverunnar, Z ástarsaga og Íslenskur aðall sem kemur út á næstu vikum í kilju hjá Forlaginu.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd