Ein verðlaun til!

  • Höfundur: Ritstjórn Forlagsins
Gerður Kristný og Böðvar Guðmundsson

Gerður Kristný hlaut um helgina ljóðaverðlaun úr Minningarsjóði Guðmundar Böðvarssonar skálds frá Kirkjubóli og Ingibjargar Sigurðardóttur konu hans. Verðlaunin voru afhent við fallega athöfn í Snorrastofu í Reykholti að viðstöddu fjölmenni. Á sama tíma voru Borgfirsku menningarverðlaunin afhent og komu þau í hlut Sögufélags Borgfirðinga. Veitt er úr Minningasjóðnum á tveggja ára fresti.

Við athöfnina fór Bjarni Guðmundsson á Hvanneyri með ljóð eftir nafnana Guðmund Inga Kristjánsson frá Kirkjubóli í Bjarnardal í Önundarfirði og Guðmund Böðvarsson skáld frá Kirkjubóli í Hvítársíðu. Þá las Steinunn Jóhannesdóttir ljóð eftir Guðmund Böðvarsson. Loks lýsti Böðvar Guðmundsson ljóðaverðlaunum sjóðsins og afhenti Gerði. Ræðu Böðvars má lesa hér.

Þess má geta að þetta hefur verið afar gjöful vika fyrir Gerði Kristnýju því sl. miðvikudag tók hún við Barna- og unglingabókaverðlaunum Vestnorræna ráðsins. Einnig hlaut hún í byrjun ársins Ljóðstaf Jóns úr Vör í árlegri ljóðasamkeppni lista- og menningarráðs Kópavogs. Von er á nýrri ljóðabók eftir Gerði Kristnýju í næsta mánuði.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd