Bókahátíð barnanna

  • Höfundur: Ritstjórn Forlagsins
Edda Heiðrún Backman

Á Bókamessu í bókmenntaborg sem haldin verður um helgina verður margt skemmtilegt á dagskrá fyrir unga sem aldna. Aðalfjörið fyrir börnin verður í matsal á 1. hæð Ráðhússins (þeirri sem gengið er inn á) á sunnudaginn kl. 14 til 16. Þar kynna fjölmargir barnabókahöfundar nýjar bækur og hægt verður að reyna sig við að teikna skrímsli með Áslaugu Jónsdóttur, klippa út jólakrakka með Sigrúnu Eldjárn, lita Hvata hvolp með Bergrúnu Írisi Sævarsdóttur og margt margt fleira.

Allir gestir geta tekið þátt í getraun um nýútkomnar barnabækur og tíu heppnir fá barnabók að eigin vali í verðlaun.

Myndir Eddu Heiðrúnar Backman úr nýútkomnum bókum þeirra Þórarins Eldjárns verða til sýnis og Edda Heiðrún og Þórarinn koma og árita bækur  á svæði Forlagsins í Tjarnarsal Ráðhússins frá klukkan 13.30 á sunnudaginn.

Þá mætir Gunnar Helgason galvaskur til leiks á laugardaginn klukkan 16.15 og heldur vítaspyrnukeppni í Vonarstræti í tilefni af útgáfu bókar sinnar Aukaspyrna á Akureyri.

Það er því um að gera fyrir alla fjölskylduna að leggja leið sína í Ráðhús Reykjavíkur um helgina – kynna sér nýjar bækur og leyfa börnunum að bregða á leik.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd