Nýjar íslenskar barnabækur streyma frá okkur þessa dagana og allir ættu að finna þar eitthvað við sitt hæfi. Sumar eru fyndnar, sumar æsispennandi, sumar fróðlegar og lærdómsríkar, sumar allt þetta í senn – allar eru bækurnar grútskemmtilegar og eigulegar, hollt og gott lesefni handa börnum á ýmsum aldri.
Meðal nýútkominna íslenskra barnabóka okkar eru t.d. Náttúrugripasafnið eftir Sigrúnu Eldjárn, sem er sjálfstætt framhald Forngripasafnsins – báðar eru þær æsispennandi og skemmtilegar sögur eins og Sigrúnar er von og vandi, Forsetinn, prinsessan og höllin sem svaf, stórskemmtileg saga Gerðar Kristnýjar um forsetann og prinsessuna sem flest íslensk börn þekkja orðið, Víti í Vestmannaeyjum – hrikalega fyndin fótboltasaga fyrir alla boltastráka og boltastelpur, og hin fyndna og fjöruga Dagbók Ólafíu Arndísar, eftir Kristjönu Friðbjörnsdóttur. Ólöf Arndís sigraði landið og miðin með sögunni Flateyjarbréfin í fyrra og þessi er ekki síðri.
Mikil umræða hefur spunnist síðustu vikur um mikilvægi þess að ungir lesendur hefðu viðeigandi lesefni og það er óumdeilt að sögustund foreldra og barna er gæðastund sem öll fjölskyldan nýtur góðs af. Og hér eru þær komnar … nú er ekkert annað en að sökkva sér í lestur, fjölskyldan saman eða hver og einn í sinni hosíló!





