Claessen og forsetinn

  • Höfundur: Ritstjórn Forlagsins
Claessen

Eggert Claessen var á sinni tíð fyrirferðarmikill í þjóðlífinu, iðulega á síðum dagblaðanna og þá ýmist hafinn til skýja sem áræðinn athafnamaður sem ruddi nútímanum braut eða þvert á móti harðsnúinn kapítalisti og óvinur íslenskrar alþýðu. Síðan er eins og fennt hafi í spor þessa áhrifamanns sem kom svo víða við á fjölbreyttri ævi.

Nú er væntanleg ævisaga þessa áhugaverð manns, Eggert Claessen – saga fjármálamanns, þar sem greint er frá fjölskrúðugum störfum hans og einkalífi.

Það kom sér vel að Eggert var sérstakur reglumaður þegar kom að varðveislu skjala og persónulegra gagna sem geymd voru í sérstakri skjalageymslu á heimili hans. Þessi plögg veittu óvenju glögga sýn á söguhetjuna, jafnt í stormum athafnalífsins sem gleði og sorgum í einkalífi. Má segja að hér hafi verið draumaverkefni sérhvers ævisagnaritara: Litrík persóna í iðu athafna- og fjármálalífs landsins, sviptingasamt einkalíf og einstætt heimildasafn sem ekki hafði verið aðgengilegt fyrr en nú.

Stofnað var sérstakt félag um ritun ævisögunnar og fenginn til verksins Guðni Th. Jóhannesson sem m.a. hafði þá nýlega lokið við rómaða ævisögu Gunnars Thoroddsen. Guðni vann ítarlega könnun á einkaskjölum Eggerts og dró saman ýmsar aðrar heimildir. En áður en hann hæfist handa við sjálfa ritun verksins var Guðni kjörinn forseti Íslands og því ljóst að fela yrði öðrum að taka við og ljúka verkinu – Guðni sýndi sögu Eggerts Claessen þó áfram mikinn áhuga og fylgdist með því eftir bestu getu.

Í stað Guðna varð úr að Guðmundur Magnússon sagnfræðingur var fenginn til verksins en leiðir þeirra Eggerts höfðu oftlega skarast, ef svo má segja, í fyrri verkum Guðmundar, t.d. um Thorsarana (2005), Eimskipafélagið (1998) og Vinnuveitendasambandið (2004) en þar hafði Eggert í öllum tilvikum komið við sögu. Þetta reyndist heillaspor og útkoman liggur fyrir, áhrifamikið og umfram allt heiðarlegt verk um máttarstólpa og brautryðjanda – umdeildan að sönnu – og um leið einstök innsýn í íslenskt samfélag á geysilegum umbrotatímum á fyrri hluta 20. aldar. Og eins og öll almennileg sagnfræðirit talar verkið beint inn í okkar tíma.

Bókin kemur út næstkomandi þriðjudag, 24. október, en útgáfunni verður fagnað í verslun Pennans Eymundsson í Austurstræti kl. 17 miðvikudaginn 25. október. Allir velkomnir.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd