Dásamleg kerling segir frá

  • Höfundur: Ritstjórn Forlagsins
Hallgrímur Helgason

Danskir gagnrýnendur hafa fallið flatir fyrir Konunni við 1000° eftir Hallgrím Helgason sem kom út nýlega hjá Lindhardt og Ringhof í snilldarþýðingu Kims Lembek. Eins og vel á við er sögunni bæði líkt við eldfjöll (Jørgen Johansen / Berlingske. fimm stjörnur) og bókmenntalegt sprengiefni (Frank Sebastian Hansen / Extra Bladet, fimm stjörnur), hún er sögð hnífskörp (May Schack / Politiken, fjögur hjörtu) og umdeildur hápunktur í íslenskum bókmenntum (Klaus Rothstein / Weekendavisen, engin stjörnugjöf).

Allir eru gagnrýnendurnir sammála um að Hallgrímur eigi fylilega skilið að fá Bókmenntaverðlaun Norðurlandaráðs fyrir söguna en þau verða veitt á næstunni. „Haldiði kjafti hvað þetta er æðisleg skáldævisaga,“ segir Marie Louise Wedel Bruun í Elle sem velur Konuna við 1000° sem bók mánaðarins. Marianne Koch gefur bókinni fimm stjörnur í Fyens Stiftstidende og mælir heilshugar með henni. Liselotte Wiemer í Kristeligt Dagblad öfundar Kim Lembek af að hafa fengið að þýða bókina, það hljóti að hafa verið unaður fyrir fingurgómana að finna réttu orðin í stjórnlausum, eldspúandi heimi Hallgríms Helgasonar.

Mikael Busch gefur fjórar stjörnur í Jyllandsposten og segir að frásagnargleði Hallgríms sé stundum svo mikil að lesandinn taki andköf. Þetta sé nú öllu skemmtilegra lesefni en þunnu, blóðlausu heftin frá nemendum Rithöfundaskólans. „Hvílíkir hæfileikar!“ andvarpar Jens Henneberg í Nordjyske Stiftstidende, gefur fimm stjörnur og segir að lokum: „Þetta er hreint snilldarverk með óendanlega harmrænni tilvistarlegri vídd, lagt í munn dásamlegri kerlingu.“

Hallgrímur er tilnefndur til Bókmenntaverðlauna Norðurlandaráðs fyrir bók sína en þar á hann í harðri samkeppni, ekki aðeins við hinn íslenska höfundinn sem tilnefndur er, Guðmund Andra Thorsson, heldur ýmsa stóra norræna höfunda. Samkeppnin er óvenju spennandi í ár.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd