„Einfaldlega frábær“

  • Höfundur: Ritstjórn Forlagsins
Jón Gnarr

Jón Gnarr fékk mikið lof í Kiljunni í gær fyrir Sjóræningjann, annað bindi skáldævisögu sinnar sem kom út fyrir jól. „Að mínu mati er þetta ein merkilegasta bókin sem kom út á síðasta ári,“ sagði Kolbrún Bergþórsdóttir. „Það voru margar mjög vel gerðar… en þegar kemur að áhrifamætti stingur Jón Gnarr eiginlega alla aðra af. … Þar sem Jón Gnarr á í hlut þá er hann fyndinn en hann er ekkert að leggja upp úr fyndninni, hann er að leggja upp úr einlægninni og hann er að lýsa þarna andstyggilegu einelti sem hann varð fyrir.“ Kolbrúnu finnst einsýnt að lesa þessa bók í öllum unglingaskólum því unglingar eigi skilyrðislaust að lesa hana – og fullorðnir líka: „Mér finnst hún einfaldlega frábær!“

Sigurður Valgeirsson varð hrifnastur af pönksögunni sem hann sá í bókinni því í vanda sínum og einsemd fær Jón helst skjól í samfélagi pönkara á Hlemmi. Sigurði fannst stíllinn jafnvel minna á Þórberg, málið létt og ljóst, og er þar ekki leiðum að líkjast. Kolbrún ítrekaði að henni fyndist Jón eiga hrós skilið fyrir að miðla söguefninu, því svona bók geti hjálpað mjög mörgum. Og hún endaði skörulega: „Ég hvet alla til að lesa þessa bók.“

Egill Helgason hlýddi á hrósið með elskulegu glotti og tók umræðurnar saman á sinn hátt: „Hann er dáldið sení, hann Jón!“

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd