Fagur fiskur og furðufiskur

  • Höfundur: Ritstjórn Forlagsins
Fiskar

Bókin Íslenskir fiskar í handhægri útgáfu!

Bókin Íslenskir fiskar eftir Gunnar Jónsson og Jónbjörn Pálsson með vatnslitamyndum Jóns Baldurs Hlíðberg kom fyrst út árið 2006 og var strax tekið ákaflega vel. Hún hefur verið ófáanleg um árabil en birtist nú aukin og endurskoðuð í þægilegu handbókarformi og með plasthlífðarkápu.

Þetta er einstæð fróðleikskista þar sem gerð er grein fyrir öllum þeim ríflega 350 fisktegundum sem fundist hafa í hafinu umhverfis Ísland og í vötnum landsins – vel á annan tug fiska hafa bæst við frá því bókin kom síðast út.

Bókin er tvískipt. Í fyrri hlutanum er fjallað um búsvæði, þróun og líffræði fiskanna en sá síðari geymir ítarlega umfjöllun um hverja tegund. Nákvæmar vatnslitamyndir Jóns Baldurs Hlíðberg af hverri þeirra sýna fiskana ljóslifandi, kort sýna útbreiðsluna og ýmis sérkenni eru dregin fram í skýringarmyndum. Bókin opnar ungum sem öldnum einstæða innsýn í heim fiskanna og nýtist m.a. námsmönnum og sjómönnum og öllum þeim sem unna umhverfinu og náttúru landsins.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd