Ferskir vindar blása í barnabókum Forlagsins

  • Höfundur: Ritstjórn Forlagsins
Kristjana Friðbjörnsdóttir og Gunnar Helgason

Í gær fengu þrír af höfundum Forlagsins Vorvindaviðurkenningu IBBY á Íslandi.

Gunnar Helgason hlaut viðurkenninguna fyrir víðtækt starf með börnum á sviðum leik-, söng- og ritlistar en einkum þó nýjustu bækurnar sínar, Víti í Vestmannaeyjum og Aukaspyrna á Akureyri sem dómnefndinni þóttu vera „skrifaðar af næmni og kímni og gleðja lesendahóp sem ekki á alltaf auðvelt með að finna lesefni við sitt hæfi.“

Kristjana Friðbjörsdóttir hlaut viðurkenninguna fyrir bækurnar sínar sex og segir í umsögn dómnefndar: „þrjár um spæjarann Fjóla Fífils og þrjár um hina óforbetranlegu Ólafíu Arndísi, sem segir á hreinskilinn og einlægan hátt frá ævintýrum hversdagsins. Sögurnar eru bráðfyndnar og skemmtilegar og hitta beint í mark hjá lesendum.“

Að lokum fékk Brigitta Sif Jónsdóttir Vorvindana fyrir fyrstu bók sína, Ólíver, sem kom samtímis út hjá Walker Books í Bretlandi og hér heima. „Birgitta skrifar söguna og teiknar hana um leið. Söguheimurinn er fjölbreyttur og lifandi og boðskapurinn hlýr og fallegur,“ segir í umsögn dómnefndar.

Vorvindaviðurkenningar IBBY hafa verið afhentar árlega frá árinu 1987 og eiga þær að vekja athygli á þeim fersku vindum sem blása í barnamenningunni hverju sinni.

Á myndinni eru Gunnar og Kristjana í sumarsólinni utan við Gunnarshús í Reykjavík en Birgitta Sif býr erlendis og gat því ekki verið viðstödd.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd