Flóð í Forlaginu!

  • Höfundur: Ritstjórn Forlagsins
Bækur

Jólabjöllurnar eru farnar að klingja hjá Forlaginu enda streyma skáldsögurnar inn í hús þessa dagana – og beina leið út í búðir.

Nýjar bækur eftir okkar fremstu rithöfunda eru nú fáanlegar, svo sem Kantata eftir Kristínu Marju, Málarinn eftir Ólaf Gunnarsson, Skáld eftir Einar Kárason og Hin eilífa þrá eftir Guðberg Bergsson. Árni Þórarinsson heldur áfram að skrifa um blaðamanninn Einar í Ári kattarins, Kristín Ómarsdóttir segir Reykjavíkursögu í Millu, Eiríkur Örn Norðdal fer víða um í nýrri skáldsögu sinni Illsku, Álfrún Gunnlaugsdóttir skrifar um gleymskuna í Siglingunni um síkin og Ófeigur segir sögu úr nýliðinni fortíð í Landvættum.

Nú er aldeilis hægt að byrja að undirbúa óskalistann fyrir jólin – en skiljið eftir pláss, það er meira á leiðinni!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd