Frábært að fá Nei út í þriðja sinn

  • Höfundur: Ritstjórn Forlagsins
Ari Jósefsson

Gagnrýnendur Kiljunnar töluðu í vikunni um endurútgáfuna á ljóðabókinni Nei eftir Ara Jósefsson og voru hæstánægðir með að fá hana í hendur aftur. Þau Egill, Þröstur og Fríða Björk voru sammála um að með Ara hefði dáið mjög gott skáldefni og Þresti fannst full ástæða til að lyfta undir þessa bók.

„Mér finnst þessi bók hafa elst mjög vel og margt í þessum ljóðum hefur víða skírskotun til samtímans,“ sagði Fríða Björk. „Hann gæti allt eins verið að tala til okkar þegar hann yrkir um stríðsrekstur, um ástina, um ýmislegt sem tilheyrir náttúrunni og innri átökum ungs manns. Þetta er allt saman eitthvað sem við getum auðveldlega samsamað okkur. Þess vegna finnst mér frábært að þessi bók skuli nú koma út í þriðja sinn.“

Egill hafði orð á því að ljóð Ara vísuðu fram til Einars Más af því það væri „soldið bítnikk í þessu líka!“ Og félagar hans í settinu tóku undir það. Svo spilaði Egill einstaklega fallegt brot úr Rykkorni frá 2009 þar sem Bragi Kristjónsson talar um Ara en þeir voru vinnufélagar um tíma og nánir vinir meðan báðir lifðu.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd