Fullt hús á fyrirlestri Magnúsar Þorkels

  • Höfundur: Ritstjórn Forlagsins

Mikil aðsókn var á fyrirlestur Magnúsar Þorkels Bernharðssonar í Bókabúð Forlagsins um helgina þar sem hann fjallaði um stöðuna í Mið-Austurlöndum í tilefni af útgáfu bókar sinnar Mið-Austurlönd: fortíð, nútíð og framtíð – uppfærð útgáfa

Húsið var fullt og gott betur; mæting var framar vonum og þurftu sumir gestir að standa á meðan á fyrirlestrinum stóð.

Magnús, sem er prófessor í nútímasögu Mið-Austurlanda við Williams College í Massachusetts og einn helsti sérfræðingur Íslendinga í sögu svæðisins, fór yfir helstu sögulegu og pólitísku þætti sem mótað hafa þróun svæðisins og setti jafnframt samtímaviðburði í víðara samhengi.

Fyrirlesturinn vakti mikinn áhuga og tókst afar vel. Magnús fór á skýran og aðgengilegan hátt yfir sögulegan bakgrunn og samtímaviðburði á svæðinu og svaraði fjölda spurninga úr sal. Að fyrirlestri loknum spunnust upp líflegar og áhugaverðar umræður sem stóðu lengi fram eftir.

Forlagið þakkar öllum sem mættu kærlega fyrir komuna og Magnúsi sérstaklega fyrir fróðlegan og skemmtilegan fyrirlestur. Nánari upplýsingar um bókina má finna með því að smella HÉR.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd