Fullt hús fyrir Þorstein

  • Höfundur: Ritstjórn Forlagsins
Þorsteinn frá Hamri

Einar Falur Ingólfsson gefur ljóðabók Þorsteins frá Hamri fimm stjörnur í Morgunblaðinu í dag. „Hefðin, sagan, bókmenntir, samvera og vinátta, ógn sem náttúrunni stendur af mönnum, viðhorf í tímanum, og sjálfur tíminn sem líður; Þorsteinn frá Hamri kemur víða við í nýrri ljóðabók sinni, Skessukötlum,“ segir hann. „Þetta er meitlað verk og fágað, eins og við er að búast frá vandvirku og snjöllu skáldinu, og að öllu leyti í rökréttu framhaldi af síðustu bók Þorsteins, Allt kom það nær, sem kom út fyrir tveimur árum.“ Einar Falur tekur nokkur dæmi úr bókinni máli sínu til stuðnings og segir svo: „Skessukatlar Þorsteins frá Hamri er áhrifamikið verk sem leitar á lesandann og dýpkar við hvern lestur.“ Loks fær útlitshönnuður bókarinnar verðskuldað hrós: „Ástæða er til að hrósa haganlegri kápuhönnun Jóns Ásgeirs; hvernig honum hefur tekist að mynda skessukatla í pappír á kápu bókarinnar.“

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd