Furðusagnaþing í Norræna húsinu

  • Höfundur: Ritstjórn Forlagsins
Kjartan Yngvi Björnsson og Snæbjörn Brynjarsson

Höfundar verðlaunabókarinnar Hrafnsauga, Kjartan Yngvi Björnsson og Snæbjörn Brynjarsson, standa á föstudag og laugardag fyrir þingi um furðusögur í Norræna húsinu ásamt Þorsteini Mar Gunnlaugssyni, en saman eru þeir forsprakkar Íslenska furðusagnafélagsins. Þar verður fjallað vítt og breitt um þessa bókmenntagrein sem notið hefur vinsælda um áratugaskeið og er fyrst nú að ná verulega góðri fótfestu meðal íslenskra höfunda.

Þremenningarnir segja í viðtali við Fréttablaðið að umræðan um furðusögur hafi fram að þessu verið lítil hér á landi en áhuginn sé sannarlega til staðar: „Við settum til dæmis laggirnar hóp Facebook þar sem fullt af fólki kom og spjallaði um furðusögur og það er greinilega eftirspurn eftir málþingi sem þessu.“

Dagskrá hátíðarinnar er fjölbreytt og ættu allir að geta fundið eitthvað við sitt hæfi, bæði þeir sem eru vel lærðir fræðunum og þeir sem eru rétt að dýfa tánum heim furðusagna. Forlagið hvetur furðusagnalesendur á öllum aldri að sækja þingið, hlýða á fróðleg erindi og heyra brot úr nýútkomnum bókum.


FÖSTUDAGUR

15.00 Setning / 15.10 Brynhildur Heiðar- og Ómarsdóttir – Furðusögur í íslenskum heimi / 15.40 Marta H. Magnadóttir og Birgitta E. Hassel – upplestur og umfjöllun um Rökkurhæðir / 16.00 Hlé / 16.15 Ármann Jakobsson – Upphaf íslensku vísindaskáldsögunnar / 16.45 Kristján Már Gunnarsson – upplestur: Síðasta frelsið / 17.00 Björn Pór Vilhjálmsson – H.P. Lovecraft á íslensku / 17.30 Emil Hjörvar Petersen –upplestur: Saga Eftirlifenda / 17.45 Hlé / 18.00 Þorsteinn Mar – Stafrænar furðusögur / 18.30 Einar Leif Nielsen – upplestur: Hvítir múrar borgarinnar / 19.00 Fundarslit

LAUGARDAGUR

15.10 Særún Magnea Samúelsdóttir: Fantasía Kjalnesingasögu / 15.30 Gunnar Theodór Eggertsson – upplestur: Steinskrípin / 15.50 Hlé / 16.00 Emil Hjörvar Petersen – Norræn goðafræði í fantasíum / 16.30 Hildur Knútsdóttir – upplestur: Spádómurinn / 16.50 Ragnheiður Gestsdóttir – Furðusagan sem spegill veruleikans / 17.20 Kjartan Y. Björnsson og Snæbjörn Brynjarsson – upplestur: Hrafnsauga / 17.50 Hlé / Almennar umræður

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd