Glænýtt námsefni fyrir bókina Strandaglópar! eftir Ævar Þór Benediktsson

  • Höfundur: Ritstjórn Forlagsins

Nýlega kom út barnabókin Strandaglópar! (Næstum því) alveg sönn saga eftir Ævar Þór Benediktsson, með myndum eftir Anne Wilson. Bókin er bæði fyndin og fróðleg en í henni segir Ævar söguna af því þegar afi hans varð strandaglópur í Surtsey. Þann 14. nóvember næstkomandi verða 60 ár liðin frá því að Surtseyjargosið hófst og verður þess án efa minnst víða, ekki síst í skólastofum landsins.

Á síðunni Kennarinn.is er nú hægt að nálgast námsefni fyrir bókina, bæði verkefnahefti og leiðbeiningar fyrir kennara. Verkefnaheftið hentar nemendum í nemendum á fyrsta stigi og miðstigi grunnskóla og þjálfar lesskilning, orðaflokkagreiningu, samlagningu, skilning á eldsumbrotum og fleira. Verkefnin eru afar fjölbreytt; nemendur leysa krossgátu, leita að hugtökum í orðasúpu, spila teningaspil og leggjast í bókarannsókn og litgreiningu svo fátt eitt sé nefnt. Námsefnið er öllum aðgengilegt án endurgjalds og það má sækja hér.

Í tilefni af þessu býður Forlagið skólum að kaupa bekkjarsett af bókinni á tilboðsverði en allar nánari upplýsingar má fá með því að senda póst á forlagid@forlagid.is.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd