Grafarþögn í bíó

  • Höfundur: Ritstjórn Forlagsins
Arnaldur Indriðason

Í hugum margra aðdáenda bóka Arnaldar Indriðasonar er Grafarþögn meðal hans allra áhrifamestu skáldsagna, ef ekki sú áhrifamesta. Hún hlaut Glerlykilinn, norrænu glæpasagnaverðlaunin 2003 (eins og Mýrin hafði gert árið áður), og nú er hún á leið í bíó. Leikstjórinn er Baltasar Kormákur sem einnig leikstýrði Mýrinni (2006), aðsóknarmestu íslensku kvikmyndinni frá því að mælingar hófust.

Tökur hefjast vonandi áður en þetta ár er liðið og fastlega er gert ráð fyrir að aðalleikararnir úr Mýrinni, Ingvar E. Sigurðsson og Ágústa Eva Erlendsdóttir, verði einnig með nú í hlutverkum Erlendar lögreglumanns og Evu Lindar dóttur hans.

Sagan hefst í samtímanum á því að mannabein finnast í grunni nýbyggingar í Þúsaldarhverfinu. Svo hverfur sagan nokkra áratugi aftur í tímann og dregur smám saman upp óhugnanlega mynd af fjölskyldulífi í húskofa á þessum stað á stríðsárunum. En ekkert glæpamál er of flókið eða fjarlægt fyrir hina snjöllu þrenningu Arnaldar, Erlend, Elínborgu og Sigurð Óla.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd