Grimmd hlýtur frábærar viðtökur

  • Höfundur: Ritstjórn Forlagsins
Stefán Máni

Þrettánda bók Stefáns Mána, Grimmd, hlýtur heilar fimm stjörnur í dómi á Pressan.is í gær! Gagnrýnandi fer þar afar fögrum orðum um verkið og segir það jafnast á við það allra besta sem Stefán Máni hefur sent frá sér – og sé jafnvel enn betra! Í dómnum segir meðal annars: „Stílfimi Stefáns er á sínum stað og í Grimmd er að finna öll bestu höfundareinkenni hans.   Sagan er listilega vel skrifuð og upp byggð og í Grimmd er Stefán Máni  á heimavelli, enda enginn rithöfundur hér á landi sem þekkir undirheimana jafn vel og hann.  Framvindan er hröð og spennandi. Þá er persónusköpunin  auðug og karakterarnir trúverðugir og þá tekst höfundi líka að skapa aðstæður þar sem lesandinn getur ekki annað en skellt uppúr þrátt fyrir að vera staddur  í myrkri og viðbjóði.“

Aðdáendur Stefáns Mána verða því ekki sviknir af Grimmd – einni bestu glæpasögu ársins!

Dóminn má lesa hér.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd