Guðbergur Bergsson heiðursdoktor og Guðbergsstofa opnuð

  • Höfundur: Ritstjórn Forlagsins
Guðbergur Bergsson

Á laugardaginn var Guðbergur Bergsson sæmdur heiðursdoktorsnafnbót við Deild erlendra tungumála í Háskóla Íslands. Af því tilefni var haldið málþing um verk Guðbergs í Hátíðarsal Háskólans og tók fjöldi íslenskra og erlendra fræðimanna, þýðenda og rithöfunda þátt í þinginu.

Yfirskrift þingsins „Að heiman og heim“ lýsir að einhverju leyti stöðu Guðbergs sem íslensks skálds – og þýðanda. En hann hefur „sí og æ verið að bregða sér af bæ að heiman, suður í lönd eða eitthvað út í buskann og koma svo aftur hingað heim til að anda að sér gamalkunnu Grindavíkurloftinu og þá einatt með eilítið aðra sól og sýn á lífið en við höfum átt að venjast í víkum, til fjalla og á nesjum hér heima í íslenskri náttúru“ eins og Vigdís Finnbogadóttir komst að orði í tilefni málþingsins.

Fyrirlesarar beindu sjónum sínum að verkum skáldsins í alþjóðlegu samhengi, þýðingum á verkum hans, fagurfræði og samtali skáldskapar hans við verk yngri skálda. Undir lok málþingsins voru pallborðsumræður þar sem nokkrir íslenskir rithöfundar fjölluðu um tengsl sín við verk Guðbergs.

Þingið var vel sótt og voru gestir og aðstandendur þess ánægðir, margs vísari og jafnvel innblásnir að því loknu.

Að þinginu stóðu: Stofnun Vigdísar Finnbogadóttur í erlendum tungumálum, Íslenskudeild Manitobaháskóla, Mennta- og menningarmálaráðuneytið, Utanríkisráðuneytið, Reykjavík Bókmenntaborg UNESCO, Bókmennta- og listfræðastofnun Háskóla Íslands, Hugvísindastofnun Háskóla Íslands, Forlagið og Grindavíkurbær.

Guðbergsstofa í Grindavík

Í gær, sunnudag var svo opnuð Guðbergsstofa í Grindavík við hátíðlega athöfn, en Guðbergur er heiðursborgari bæjarins. Guðbergsstofa er sýning og safn um líf og feril skáldsins og þar má sjá öll verk sem gefin hafa verið út eftir Guðberg á Íslandi, erlendar þýðingar á bókum hans, sýnishorn af óútgefnum verkum, verðlaunagripi og viðurkenningar, muni úr eigu skáldsins og fjölda ljósmynda.

Guðbergsstofa er staðsett í Kvikunni, auðlinda- og menningarhúsi Grindavíkur.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd