Heimildir sem nýtast um ókomna tíð

  • Höfundur: Ritstjórn Forlagsins
Svavar Gestsson

Páll Björnsson sagnfræðingur skrifar ítarlegan ritdóm um sjálfsævisögu Svavars Gestssonar, Hreint út sagt, í nýjasta hefti tímaritsins Sögu. Hann rekur efni hennar vandlega og ræðir það fram og aftur og niðurstaða hans er mjög jákvæð: „Bókin er vel skrifuð, villur vart finnanlegar, stíllinn léttur og hraður og frásögnin auk þess launfyndin á köflum. Ljósmyndirnar gegna einnig mikilvægu hlutverki í að segja sögu aðalpersónunnar. Sjálfsævisögur hafa ekki komið út margar í seinni tíð, en þessi bók verður e.t.v. til þess að fleiri hugsi sér til hreyfings. Sumir hafa fundið sjálfsævisögum það til foráttu að höfundarnir vilji falla í þá freistni að upphefja sjálfa sig. Slíkt getur hins vegar einnig komið fyrir í venjulegum ævisögum. Þótt höfunda sjálfsævisagna geti misminnt um einhver atriði er það upplifun viðkomandi sem skiptir meira máli, þeirra persónulegu sjónarhorn. Með sjálfsævisögum verða nefnilega til heimildir sem nýtast munu um ókomna tíð. Auk þess afhenti Svavar Þjóðskjalasafni öll sín einkaskjöl til varðveislu. Auðvitað má deila um mikilvægi einstakra atriða en hin smæstu og hversdagslegustu geta stundum veitt betri innsýn í hlutina. Frásögn Svavars af kvöldfundum með Gunnari Thoroddsen og Ólafi Jóhannessyni, báðum íklæddum langröndóttum náttfötum (bls. 230), hefði t.d. varla ratað inn í ævisögu sem annar hefði ritað.“

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd