Hlýðið á boðskapinn

  • Höfundur: Ritstjórn Forlagsins

Við vekjum athygli á hljóðbókarútgáfu Nýja testamentisins þar sem valinkunnir lesarar flytja boðskap bókar bókanna. Hér á síðunni getur þú fundið hljóðdæmi af lestri sr. Sigurbjörns Einarssonar en með honum lesa einnig Guðrún Ásmundsdóttir, sr. Hjörtur Pálsson, hr. Karl Sigurbjörnsson, Þórunn Hjartardóttir, Ævar Kjartansson og sr. Örn Bárður Jónsson úr nýrri þýðingu Nýja testamentisins sem út kom árið 2007.

Í Biblíunni er að finna menningarlegan og siðferðislegan grunn Vesturlanda og því er mikill fengur að útgáfunni sem gerir enn fleirum kleift að kynnast guðspjöllum Matteusar, Markúsar, Lúkasar og Jóhannesar. Þá eru öll bréf Nýja testamentisins lesin, m.a. Rómverjabréfið, bréf Páls postula og Péturs, bréf Jóhannesar, bréf Jakobs og bréf Júdasar. Mjög hefur verið vandað til verka við vinnslu hljóðbókarinnar sem er í fallegum kassa.

Smelltu hér til að hlýða á lestur sr. Sigurbjörns Einarssonar á upphafi Lúkasarguðspjalls. Lestrinum má hlaða niður á tölvu með því að hægrismella á tengilinn og velja „Vista tengil“.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd