Hnefi eða vitstola orð hlýtur góðar viðtökur

  • Höfundur: Ritstjórn Forlagsins
Eiríkur Örn Norðdahl


Ný ljóðabók verðalaunaskáldsins Eiríks Arnars Norðdahl, Hnefi eða vitstola orð, hlýtur góða dóma í föstudagsútgáfu Fréttablaðsins. Gagnrýnandinn fer þar fögrum orðum um ágeng og harðneskjuleg ljóð Eiríks og gefur verkinu fjórar stjörnur. Í verkinu tekst höfundur á við tilfinningarnar sem vöknuðu þegar hann sat í útlöndum og fylgdist með Íslandi sökkva í hyldýpi kreppunnar og veltir á sama tíma fyrir sér stöðu ljóðsins í nútímanum en í dómnum segir:

„Eiríkur Örn vinnur vel fyrir rithöfundalaunum sínum; hann rífur upp gengi ljóðsins um leið og hann fylgist með krónunni verða að engu. Bráðskemmtileg ljóðabók.“

Þeir sem þekkja til Eiríks vita að hann liggur ekki á skoðunum sínum og á því er engin breyting í þeirri rússíbanareið sem Hnefa eða vitstola orð býður upp á.

173,97 ISK

Tekurðu skiptimiða?
Geturðu sett þetta á reikninginn minn?
Eru aurar líka krónur?
Getum við komist að samkomulagi?

Hægra brjóstið fyrir mjólkurlítra!
Konungsríkið fyrir Camel Filters!

(Ó, hví eru aurar krónur?)

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd