Hversdagshetja í ullarpeysu og stuttbuxum

  • Höfundur: Ritstjórn Forlagsins
Einar Áskell og ófreskjan

Ekkert lát er á vinsældum hversdagshetjunnar klóku Einars Áskels, en auk þess að gefa út nýjar Einars Áskels-bækur hinnar geðþekku Gunillu Bergström hefur Mál og menning á síðustu árum endurútgefið gamla og sívinsæla titla úr bókaflokknum. Þessa dagana koma út tvær bækur sem hafa verið ófáanlegar í meira en 20 ár, þær Útsmoginn, Einar Áskell og Einar Áskell og ófreskjan. Útsmoginn, Einar Áskell er kostuleg saga um hvernig söguhetjan berst með mikilli ráðkænsku fyrir því að fá að vera með þeim sem eldri eru, og Einar Áskell og ófreskjan er hugljúf og heillandi saga um hvernig Einar Áskell bætir fyrir brot sitt eftir að hafa ráðist á minnimáttar. Og losar sig við ófreskju í leiðinni. Nauðsynlegur lestur fyrir hverja kynslóð!

Þýðandi er Sigrún Árnadóttir en hún hefur þýtt allar bækurnar um Einar Áskel.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd