Jólasveinarnir 13 eftir Brian Pilkington

  • Höfundur: Ritstjórn Forlagsins

Margir eiga erfitt með að muna í hvaða röð blessaðir jólasveinarnir koma til byggða. Nú er komin út hreint bráðskemmtileg bók sem leysir þann vanda á einu bretti og fræðir lesendur líka um ýmislegt gagnlegt um sveinana þrettán.

Vissir þú til dæmis að Stekkjarstaur er dálítill mömmustrákur? Eða af hverju varast skal að hafa mikið af táfýlusokkum í barnaherbergjum í kringum 22. desember? Já eða af 
hverju Grýla þarf sárasjaldan að vaska upp?

Í bókinni um Jólasveinana þrettán eru líka upplýsingar um uppáhaldsmat og gotterí mismunandi jólasveina og gefin góð ráð um hvernig best sé að kynnast þeim og skemmta. Þar er líka að finna alls konar jólalega fróðleiksmola, til dæmis um hvernig maður óskar fólki gleðilegra jóla á ýmsum tungumálum – meira að segja á táknmáli.

Höfundur textans og myndanna í bókinni um jólasveinana þrettán er fjölhæfur listamaður að nafni Brian Pilkington en hann á heiðurinn af ófáum listaverkum í íslenskum barnabókum auk þess sem hann hefur starfað vítt og breitt sem teiknari og myndskreytir.

Bókin kemur út á íslensku og ensku.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd