Kristín Ragna hlýtur Dimmalimm-verðlaunin öðru sinni

  • Höfundur: Ritstjórn Forlagsins

Kristín Ragna Gunnarsdóttir hlaut Dimmalimm – Íslensku myndskreytiverðlaunin í dag fyrir myndir sínar í bókinni Hávamál, þar sem Þórarinn Eldjárn yrkir upp forna speki Óðins þannig að hún er skýr og skiljanleg nútímafólki á öllum aldri. Formaður dómnefndar, Aðalsteinn Ingólfsson, gerði grein fyrir vali dómnefndarinnar með eftirfarandi orðum:

„Við þrjú sem erum í dómnefnd, sjálfur ég, Kalman le Sage de Fontenay, grafískur hönnuður og Bryndís Loftsdóttir, bókafrömuður, höfum hingað til verið nokkuð samstíga í kröfugerð okkar til myndlýsinga í barnabókum. Við höfum lagt á það áherslu að myndirnar í bókunum væru ekki einskær endurspeglun textans, heldur ykju við hann og gerðu hann innihaldsríkari, væru jafnvel lífvænlegar utan bóka.

Þetta á sannarlega við um bók Kristínar Rögnu, sem nú hlýtur þessi verðlaun öðru sinni. Hún teflir saman hreinni teikningu, málverki og samklippi sem vísar í allar áttir, og þá sérstaklega í íslenskan samtíma. Þegar auðssöfnun er nefnd, sáldrar hún erlendri mynt vítt og breitt um arkir, annars staðar rekur hún hlykkjótta slóð nískupúka til sælueyjunnar Tortólu; erindi um matgræðgi fylgir umgjörð sem minnir á matgæðingaþætti sjónvarps og orðtakinu fræga „þjóð veit ef þrír vita“ fylgir mynd af púka sem nýsist fyrir á Fjésbókinni.

Allt er þetta gert af listfengi, smekkvísi og í takt við snilldarlega hantéringu Þórarins Eldjárn á hinum forna texta.“

Dimmalimm-verðlaunin voru veitt í tíunda sinn í dag og tók Snæfríður, dóttir Kristínar Rögnu, við verðlaununum fyrir hönd móður sinnar,  að sjálfsögðu úr hendi Dimmalimm sjálfrar.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd