Leikverk og ný útgáfa af Flateyjar-Frey

  • Höfundur: Ritstjórn Forlagsins

Leikhópurinn Gral frumsýnir í kvöld sýninguna Eiðurinn og Eitthvað í Tjarnarbíói. Verkin eru skrifuð af Guðbergi Bergssyni, og eru þau fyrstu sem sá fjölhæfi höfundur skrifar fyrir svið. Viðfangsefni sýningarinnar er barátta skáldskaparins, hún getur jú tekið á sig ýmsar myndir. Við hvetjum allt leikhúsáhugafólk til þess að flykkjast í Tjarnarbíó. Ennfremur er útgáfugleði á á Bryggjukaffi í Grindavík á laugardaginn næsta þar sem fagnað verður útgáfu á ljóðabókinni Flateyjar?Freyr. Ljóðfórnir eftir Guðberg. Bókin er gefin út af Kind Publishing, útgáfu íslenskudeildarinnar í Winnipeg, og er á íslensku, ensku og þýsku. Þýðendur eru Adam Kitchen og Hans Brückner. Bókina prýða einnig ljósmyndir úr Flatey, þökk sé Guðbergi. Ljóðabókin kom fyrst út á íslensku árið 1978 hjá Máli og menningu. Árið 2007 kom hún út á íslensku og þýsku hjá Martin Schmitz Verlag í Þýskalandi.
Forlagið mun dreifa þessari nýju bók.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd