Lestrarhestafóður

  • Höfundur: Ritstjórn Forlagsins

Þessa dagana streyma handritin í hús og ljóst að lestrarhestar landsins munu hafa nóg að bíta og brenna í haust. Sérstaklega verður nóg fóður fyrir fantasíuþyrsta og skaffa höfundarnir Andri Snær Magnason, Hildur Knútsdóttir og Gunnar Theodór Eggertsson þeim hvert sitt æsispennandi ævintýrið. Þjóðsagnaverur – og aðrar verur – lifna við í lokabókinni í safna-þríleik Sigrúnar Eldjárn: Listasafninu og Gunnar Helgason heldur áfram sagnabálkinum um Jón Jónsson Þróttara og vini hans sem hófst með bókinni Víti í Vestmannaeyjum í fyrra. Að þessu sinni fer Jón á viðburðaríkt fótboltamót á Akureyri.
Nóg verður líka af innfluttu fóðri: Sagnabálkurinn um Eragon heldur áfram, svo og ævintýri Katniss úr Hungurleikunum og æsispennandi barátta Nicholasar Flamel og bandamanna hans til að bjarga heiminum frá glötun. Þá hefur nýr bókaflokkur um Nönnu norn göngu sína og unglingarnir fá um ýmislegt að hugsa eftir lestur bókarinnar Þrettán ástæður eftir Jay Asher.
Og þetta er aðeins brot af því sem koma skal!


Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd