Marc Jacobs taskan flýgur norður í vikunni

  • Höfundur: Ritstjórn Forlagsins

Fyrir helgi var dreginn út vinningshafi í Handtöskuseríunni. Vinningurinn var ekki af verri endanum, geggjuð Marc Jacobs taska úr sumarlínu hönnuðarins og seðlaveski úr klassísku línu Marc Jacobs að verðmæti samtals 110.000 kr. Sú heppna heitir Ellý Dröfn Kristjánsdóttir, frá Akureyri, og hlakkar mikið til að fá töskuna sína senda til sín. Við erum kampakát með þátttökuna og þökkum kærlega fyrir okkur. Handtöskuserían er frábær bókaklúbbur  með áherslu á konur. Sex sinnum á ári fá áskrifendur senda nýja kilju undir þeim formerkjum að höfundur sé kona og  og að verkið fjalli með einhverjum hætti um konur. Nýjasta útsending klúbbsins var bókin Flekkuð eftir Ceciliu Samartin, mögnuð og grípandi skáldsaga um litríkar persónur, ást, vináttu og þor, draumóra og kaldan veruleika – sveipuð ómótstæðilegum suðuramerískum sagnatöfrum.

Til hamingju Ellý Dröfn, hlökkum til að fá mynd af þér með töskuna og vonum að þú njótir þess að spóka þig um með eintak af bókinni Flekkuð í fögru töskunni þinni.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd