Maxi á ferð og flugi

  • Höfundur: Ritstjórn Forlagsins
Maxímús Músíkús bjargar ballettinum í flutningi Berliner Ensamble

Síðastliðinn laugardag var nýjasta sagan um Maxa, Maxímús Músíkús bjargar ballettinum, flutt í einu frægasta tónleikahúsi heims, Fílharmóníunni í Berlín. Einn af kammerhópunum hljómsveitarinnar, Ensemble Berlin, lék tónlistina í nýrri kammerútsetningu og ungir ballettdansarar dönsuðu verkin sem fléttast inn í söguna. Miðar á tónleikana seldust upp á tveimur tímum og skemmtu áhorfendur sér stórvel. Höfundur sagnanna um Maxímús, Hallfríður Ólafsdóttir, var á staðnum og áritaði bækur að tónleikunum loknum.

Í næstu viku heldur Maxímús síðan til Bandaríkjanna til þess að koma fram á Nordic Cool hátíðinni í Kennedy Center í Washington ásamt Sinfóníuhljómsveit Íslands. Tónleikarnir verða mánudaginn 4. mars og þar verður fyrsta sagan hans Maxa, Maxímús Músíkús heimsækir hljómsveitina, flutt á skólatónleikum.

Allar sögurnar um Maxímús Músíkús hafa komið út á þýsku og fyrsta sagan, Maximus Musicus visits the Orchestra, kom nýverið út á ensku hjá Music World Media, bæði í prentaðri útgáfu og á rafbók fyrir spjaldtölvur þar sem hægt er að hlusta á söguna ásamt tónlistinni, horfa á myndirnar og sjá orðin lýsast upp um leið og lesið er. Ferðalagi Maxa lýkur með upplestri á ævintýrum hans í aðal barnabókabúðinni í New York, Bankstreet Bookstore, laugardaginn 9. mars og Maxi ætlar líka að vera viðstaddur þar, hitta börn og árita bækur.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd