Meira blóð vinsælasta bók landsins!

  • Höfundur: Ritstjórn Forlagsins
Meira blóð

Íslenskir lesendur elska Jo Nesbø! Nýja bókin hans, Meira blóð, hefur nú setið í þrjár viku samfellt á toppi metsölulista Eymundsson og fylgir eftir vinsældum Blóð í snjónum sem sat þar svo vikum skipti fyrir jól.

Gagnrýnendur virðast sömuleiðis hrifnir af Meira blóð en Steinþór Guðbjartsson hjá Morgunblaðinu skrifaði nýlega fjögurra stjörnu dóm um bókina þar sem hann sagði meðal annars:

„Bráðskemmtileg bók, spennandi og með léttu ívafi. Þótt léttleikinn sé alltumlykjandi, minni jafnvel á ævintýri Münchhausens baróns á stundum, er alvaran aldrei langt undan og jafnvel örlar siðferðislegum tóni. Frábær saga og mikill kostur hvað hún er stutt.“

Sagan segir frá manni sem kemur í eyðilegt þorp nyrst í Noregi bjarta síðsumarsnótt árið 1977. Hann segist heita Úlfur og ætla á veiðar en smám saman kemur í ljós að sjálfur er hann bráðin og veiðimennirnir, eiturlyfjasalar frá Osló, ekki langt undan. Þorpsbúar eru flestir í sértrúarsöfnuði, mótaðir af einangrun og harðri lífsbaráttu á hjara veraldar, og Úlfur á ekki annarra kosta völ en að flétta örlög sín saman við þeirra með kostulegum afleiðingum.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd