Metsölubók á skjáinn

  • Höfundur: Ritstjórn Forlagsins
Víti í Vestmannaeyjum

Saga Film hefur samið við Gunnar Helgason um að gera sjónvarpsþáttaröð byggða á metsölubókinni Víti í Vestmannaeyjum.

Í þáttunum verður sagt frá æsispennandi ferð Jóns Jónssonar og vina hans í Þrótti á Shell-mótið í Eyjum: móttökum heimamanna, leikjunum sem þeir vinna, leikjunum sem þeir klúðra, sögulegu handleggsbroti, fjallgöngu, sjóferð og sprangi, og síðast en ekki síst Eyjapeyjanum Ívari og erfiðum aðstæðum hans.

Gerðir verða tíu þættir sem hver og einn verður 25 mínútur að lengd. Framleiðsluteymið á bak við þættina er eitt það virtasta og verðlaunaðasta í íslenska sjónvarps- og kvikmyndabransanum og Saga Film er sem kunnugt er stærsta sjálfstæða framleiðslufyrirtæki landsins á sviði sjónvarpsþáttagerðar og kvikmyndagerðar.

Ekki hefur verið ráðið í hlutverk ennþá en ljóst er að ófáir fótboltastrákar munu fá að sýna listir sínar í þáttunum. Skemmtieg hlutverk verða líka í boði fyrir æsta stuðningsmenn og brjálaða foreldra svo það er um að gera að byrja að æfa sig!

Íslensk börn og unglingar mega svo láta sig hlakka til þáttanna sem ætlunin er að verði fullunnir haustið 2014.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd