Mona – Charlotte – Siv

  • Höfundur: Ritstjórn Forlagsins

Aðalsöguhetja skáldsögunnar Krónprinsessan er ung kona, Charlotte Damgård, sem óvænt tekur við stöðu umhverfisráðherra en sagan fylgir níu mánuðum í lífi hennar. Þar er skyggnast bak við tjöldin í óvægnum heimi stjórnmálanna;  átök um völd, misnotkun fjölmiðla og launráð er hluti af hversdagslífi stjórnmálamanna. Bókin er sú fyrsta í þríleik sem stundum er kenndur við Christianborg, þing þeirra Dana.

Margir telja að fyrirmynd atburða í bókinni megi finna í sögu Monu Sahlin, fyrrv. aðstoðarforsætisráðherra Svíþjóðar, sem var neydd til að segja af sér í kjölfar mikillar og óvæginnar fjölmiðlaherferðar sem pólitískir andstæðingar og óvildarmenn stóðu á bak við. Höfundurinn  Hanne-Vibeke Holst hefur viðurkennt að líf Sahlin sé ákveðin fyrirmynd aðalpersónunnar.

Þegar bókin kom fyrst út gat þáverandi umhverfisráðherra, Siv Friðleifsdóttir, þess líka að hún kannaðist við ótrúlega margt úr sínu stjórnmálalífi í bókinni og kvað Krónprinsessuna stórskemmtilega lesningu.  „Í bókinni er lífi ráðherra lýst á skemmtilegan og sannfærandi hátt, bæði því sem á sér stað opinberlega og bak við tjöldin í vinnunni og ekki síður því sem fram fer heima við,“ sagði Siv í Fréttablaðinu 1. nóvember 2003.

Þegar dönsku framhaldsþættirnir Borgen voru síðan teknir til sýninga hleyptu margir brúnum því þættirnir þykja býsna bíræfin stæling á þríleiknum – ekki síst aðalpersóna þeirra Birgitte Nyborg. Dæmi hver fyrir sig …

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd