Ný áhrifarík spennusaga

  • Höfundur: Ritstjórn Forlagsins

Nína er hjúkrunarkona og vinnur fyrir Rauða krossinn í Danmörku. Hún starfar einkum við umönnun flóttamanna og hirðir þá ekki um hvort þeir eru löglegir eða ólöglegir í landinu. Hún hefur þurft að horfa upp á átakanlegt ofbeldi, misnotkun og mansal án þess að geta mikið við því gert annað en veita þá hjálp sem hún má, en þegar hún finnur lítinn dreng í ferðatösku á Aðaljárnbrautarstöðinni í Kaupmannahöfn getur hún ekki látið hann strax í hendur yfirvalda. Hún verður fyrst að komast að því hver hann er, hvaðan hann kom og hvort hann á mömmu. Það reynist lífshættuleg ákvörðun.

Barnið í ferðatöskunni eftir Lene Kaaberbøl og Agnete Friis fékk Harald Mogensen-verðlaunin sem besta danska spennusagan 2008 og var tilnefnd til Glerlykilsins 2009.


„Hárfínt spunninn söguþráður sem kemur á óvart þegar öllum lögum atburðarásarinnar hefur verið flett ofan af honum.“
Politiken

 

„Áhrifarík spennusaga með óvægnum skotum á danskt samfélag.“
Metroexpress

 

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd