Ný bók eftir höfund Skugga vindins

  • Höfundur: Ritstjórn Forlagsins

„Rithöfundur gleymir því aldrei þegar hann fékk í fyrsta sinn peninga eða hrós fyrir sögu sem hann skrifaði. Hann gleymir aldrei þegar hann fann ljúft eitur sjálfumgleðinnar streyma um æðarnar í fyrsta sinn … Rithöfundur gleymir ekki þessari stund af því að upp frá því er hann glataður og sál hans hefur verið metin til fjár.“

David er lægst settur allra blaðamannanna á dagblaðinu La Voz de la Industria í Barcelona árið 1917. En kvöld eitt fær hann óvænt tækifæri og semur smásögu fyrir helgarblaðið sem slær í gegn. Hann er orðinn þekktur fyrir bókaflokk um leyndardóma borgarinnar þegar dularfullur franskur út-gefandi hefur samband við hann og vill panta hjá honum ritverk. En útgefandinn er ekki allur þar sem hann er séður og brátt er David í miklum vanda staddur.

Leikur engilsins er saga um bækur, ófyrirsjáanleg áhrif þeirra og anda, eins og fyrri skáldsaga Zafóns, Skuggi vindsins, sem sigraði heiminn fyrir fáum árum. Ógleymanleg saga um yfirnáttúrulega atburði, hamslausar ástríður, hús í álög-um, öngstræti og myrka króka og kima hinnar fögru Barcelonaborgar.

Skáldsagan Skuggi vindsins eftir Carlos Ruiz Zafón fór sigurför um heiminn en Leikur engilsins gefur henni ekkert eftir. Bækur Zafón hafa verið þýddar á yfir fjörutíu tungumál, hlotið fjölmörg verðlaun og viðurkenningar og sigrað hugi milljóna lesenda.

Sigrún Á. Eiríksdóttir þýddi.

„Töfrandi bók. Magnaður leynilögreglutryllir, yfirnáttúruleg hryllingssaga, töfraraunsæ goðsaga og nístingssár ástarsaga. Leikur engilsins kannar líf, dauða og trúarbrögð – og þó fyrst og fremst einmanakennd og sætbeiska kvöl þess að skrifa.“
Daily Mail

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd