Ný bók Hanne-Vibeke Holst á íslensku

  • Höfundur: Ritstjórn Forlagsins

Íslenskir aðdáendur danska rithöfundarins Hanne-Vibeke Holst munu fagna því að fá nýjustu skáldsögu hennar, Undskyldningen, á sínu móðurmáli. Í þýðingu Halldóru Jónsdóttur heitir hún Iðrun. Þetta er Danmerkurkróníka sem nær yfir sjötíu ár og segir sögu fjögurra kynslóða Tholstrup-ættarinnar, dramatíska sögu sem einkennist af einlægri ást, ástríðum og metnaði en líka blekkingum og lygum sem eitra líf fjölskyldunnar.

Sagan hlaut góðar undirtektir í heimalandinu, meðal annars sagði Björn Bredal í Politiken: „Þetta er ótrúlega vel undirbyggð og áhrifamikil ættar- og samtímasaga, þrungin drama, spennu og klókum athugunum á því sem mannanna börn gera hvert öðru. Hér er nóg af hrolli og skemmtun en líka íhugun um sálfræði og pólitík – henni liggur ýmislegt á hjarta.“ Hann gaf bókinni fjögur hjörtu að hætti blaðsins. Bókin fékk fjórar stjörnur frá Frank Sebastian Hansen í Ekstra-Bladet sem sagði m.a.: „Hanne-Vibeke Holst skrifar skemmtilega og hrífur mann með sér. Ættarsagan endurspeglar bút úr sögu Danmerkur en kaflarnir frá París, Berlín og Moskvu eru líka inspírerandi súrefnisgjafi.“ Og Birte Weiss sagði í Weekendavisen: „Hanne-Vibeke Holst málar með breiðum pensli mynd af kraftmikilli prestsfjölskyldu sem vill vel en þegir yfir óþægilegum sannleika um veikleika holdsins. Sagan er vel og örugglega sett saman … og í bónus fær maður það sem höfundurinn kann best: vel skrifaðar samfélagslýsingar.“

Hanne-Vibeke Holst en meðal þekktustu rithöfunda Dana. Hún hóf ferilinn tvítug með vinsælum unglingabókum en fylgdi unglingabókarhetjunni Louise til fullorðinsára og skrifar síðan fyrir fullorðna lesendur. Margir hér kannast við bókaflokkinn um fréttamanninn Therese Skårup, Thereses tilstand (1992), Det virkelige liv (1994) og En lykkelig kvinde (1998), sem varð gríðarlega vinsæll. Næsti þríleikur hennar vakti jafvel enn meiri athygli, hann hófst með Kronprinsessen (2002, á íslensku 2005) og seinni bindin eru Kongemordet (2005) og Dronningeofret (2008) sem því miður hafa ekki komið út á íslensku. Hanne-Vibeke hlaut ýmsar viðurkenningar fyrir þessar bækur, m.a. Søren Gyldendal verðlaunin (2003), Edvard Pedersens Biblioteksfonds verðlaunin (2008), De gyldne Laurbær (2008) og Læsernes Bogpris (2009).

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd