Ný skáldsaga Jenny Downham hlýtur góða dóma!

  • Höfundur: Ritstjórn Forlagsins

Má ekki elska þig, ný skáldsaga eftir metsöluhöfundinn Jenny Downham, hefur vakið mikla athygli meðal lesenda og fengið afar góða dóma, nú síðast í Fréttatímanum 6. júlí þar sem Páll Baldvin Baldvinsson gaf henni fjórar stjörnur. Hann tekur svo til orða: „Flétta sögunnar nýju er vandlega hugsuð, skáldkonan hefur næman skilning á mannfólki í vanda og ræður yfir kunnáttu til að tjá hana í stóru og smáu.“

Sigrún Þöll, gagnrýnandi hjá Pjattrófunum, fjallaði einnig um bókina nýverið og gaf henni mjög góð meðmæli: „Ég mæli með þessari bók, hún er auðlesin, grípandi og hentar breiðum lesendahóp…  á sannarlega heima í sumarbókaflórunni.“

Jenny Downham er íslenskum lesendum góðkunn en áður hefur komið út hér bók hennar  Áður en ég dey sem hlaut fádæma góðar viðtökur og sat á metsölulista svo vikum skipti.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd