Nýtt hefti Tímarits Máls og menningar

  • Höfundur: Ritstjórn Forlagsins
TMM3

Komið er nýtt hefti af TMM, það þriðja á þessu ári. Það er að mestu helgað nýliðinni bókmenntahátíð og í heftinu eru greinar um átta af þeim erlendu höfundum sem að þessu sinni heimsóttu okkur hingað.

Steindór J. Erlingsson líffræðingur og vísindasagnfræðingur hefur um árabil glímt við þunglyndi og sjálfsvígshugsanir sem hann rekur til áfalls sem hann varð fyrir í kjölfar erfiðrar reynslu sem ungur maður í hjálparstarfi í Afríku. Hann skrifar áhrifamikla grein í heftið um þessa glímu sína hér þar sem við sögu koma geðlyf sem höfðu hrikalegar aukaverkanir, trú og trúleysi og síðast en ekki síst heimspeki Alberts Camus.

Af öðru efni má nefna viðtal Kristínar Ómarsdóttur við Gerði Kristnýju, en áður hafa viðtöl Kristínar við önnur skáld vakið mikla athygli, enda fróðleg, sérstæð og skemmtileg. Hjalti Hugason skrifar um mynd prestsins í nokkrum nútímaskáldsögum og Guðmundur Brynjólfsson fjallar um ferðabækur Thors Vilhjálmssonar og tvíhyggju þar í ljósi guðfræðinnar. Aðalsteinn Ingólfsson skrifar ádrepu um sýninguna Sjónarhorn í Safnahúsinu og loks eru dómar eftir Þórunni Hrefnu Sigurjónsdóttur um Enginn dans við Ufsaklett eftir Elísabetu Kristínu Jökulsdóttur og Hjalta Snæ Ægisson um Öræfi Ófeigs Sigurðssonar. Að vanda eru ljóð og sögur í heftinu.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd