Öðlingar í Kringlunni í dag

  • Höfundur: Ritstjórn Forlagsins

Hópur Öðlinga verður á ferð í Kringlunni milli kl. 16-18 í dag og kynnir þar átaksverkefni gegn kynbundnu ofbeldi.  Öðlingurinn 2010  er fræðslu- og styrktarátak sem sameinar einstaklinga af báðum kynjum en í fararbroddi fyrst um sinn eru  nokkrir velþekktir og afar frambærilegir karlmenn.

Átakið hófst á bóndadag 2010 (22. janúar) þegar valinn hópur karlmanna fékk boð um að leggja átakinu lið og safna fé til styrktar Neyðarmóttöku vegna nauðgana. Á konudaginn 2010 (þann 20. febrúar) mun kyndillinn færast frá bónda til konu; þegar kvenkyns öðlingar taka við átakinu úr höndum öðlings karla og halda baráttunni áfram.

Mikilvægasta vopnið í baráttunni er fræðsla til almennings. Öðlingarnir hvetja fólk til að kaupa bókina Á mannamáli eftir Þórdísi Elvu Þorvaldsdóttur í gegnum heimasíðu verkefnisins. Kaupendum er í sjálfsvald sett hversu hátt verð þeir greiða fyrir bókina, en það renna aldrei minna en 1000 krónur af hverri bók til Neyðarmóttökunnar.

Neyðarmóttakan hefur ekki sloppið við niðurskurð og breytingar fremur en önnur starfsemi innan LSH á undanförnum árum. Nauðsynlegt er að slá áfram skjaldborg um Neyðarmóttökuna og setja velferð brotaþola í kynferðisbrotamálum í forgang.

Öðlingar ársins eru Rúnar Kristinsson knattspyrnustjóri, Karl Sigurðsson tölvunarfræðingur og Baggalútur, Höskuldur Sæmundsson leikari, Atli Fannar Bjarkason blaðamaður, Snorri Ásmundsson myndlistarmaður, Sturla Sighvatsson framkvæmdastjóri, Lárus R. Haraldsson verkefnisstjóri og Víðir Guðmundsson leikari.

Sjá nánar á odlingurinn.is

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd