Ógisslega þúst?

  • Höfundur: Ritstjórn Forlagsins

Innan vefbókasvæðisins Snara.is stendur nú yfir söfnun á íslensku slangri. Íslenskufræðingarnir Einar Björn Magnússon og Guðlaugur Jón Árnason ritstýra vefnum slangur.snara.is en þangað hafa þegar borist rúmlega þrjú hundruð ábendingar um ný orð og hafa viðtökurnar farið fram úr björtustu vonum.

Markmið vefjarins er að safna saman orðum sem líklegast myndu ekki rata inn í hefðbundnar orðabækur landsmanna. Síðast var gefin út slangurorðabók árið 1982 en ýmislegt hefur jú breyst síðan þá, t.d. þegar horft er til samskiptatækni nútímamannsins. Gamla slangurorðabókin, Orðabók um slangur, slettur, bannorð og annað utangarðsmál, stendur fyrir sínu sem heimild um tíðaranda þess tíma og er stefnt að því að endurútgefa hana á vegum Klassíska kiljuklúbbsins nú í vor.

Ef söfnunin nú gengur vel má ætla að nýja Slangurorðabókin komi út árið 2011.

Söfnunarvefurinn er gagnvirkur, þar getur hver sem er sett inn orð, ábendingar og/eða tekið þátt í að móta skýringar einstakra orða eða orðasambanda. Hundruð einstaklinga, á öllum aldri, hafa nú þegar sett inn orð, skoðanir og pælingar inn á síðuna og standa vonir til þess að virkja sem flesta. Þú þarft alls ekki að vera með margfalt háskólapróf til þess að taka þátt; áhuginn nægir.

Þekkir þú t.d. orðin: hveitiþreyta, farát, tálgari, gg og skrúðkrimmi?

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd