Okkar eigin Hungurleikar

  • Höfundur: Ritstjórn Forlagsins
Sif Sigmarsdóttir

Múrinn eftir Sif Sigmarsdóttur hefur hlotið frábæra dóma undanfarna daga, fjórar stjörnur í bæði Fréttablaðinu og DV. Múrinn er fyrsta bókin í fantasíuþríleiknum Freyju sögu, myrkum framtíðartrylli sem gerist í innilokaðri borg sem er reist á einhvers konar Reykjavík.

Halla Þórlaug Óskarsdóttir segir í Fréttablaðinu að sagan sé æsispennandi: „Höfundi tekst að búa til sannfærandi heim þar sem allt gengur upp og greinilegt er að forsagan, baksagan um tilurð hinnar ímynduðu distópíu, er úthugsuð líka. Lesandinn sekkur þannig inn í heim fantasíunnar í öruggum höndum höfundarins.“

Kristjana Guðbrandsdóttir tekur í sama streng í DV og bendir á að „fullorðnir jafnt sem unglingar [ættu] að hafa gaman af lestri bókarinnar.“ Hún bendir á að bókin kallist að ýmsu leyti á við Hungurleikana og segir: „Bækurnar eiga það sameiginlegt að vera pólitískar. Hvetja til gagnrýnnar hugsunar um vald og eðli ofbeldis. Um réttlæti og mannréttindi og grunngerð samfélags. Allt þarft lestrarefni fyrir ungt fólk í síbreytilegum heimi.“ Að lokum kallar hún eftir því að einnig þessi mynd verði færð upp á hvíta tjaldið: „Kannski við Íslendingar getum átt okkar eigin Hungurleika, kaldari, drungalegri og grimmilegri. Já, og blóðugri.“

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd