Pétur Gunnarsson hlýtur viðurkenningu Hagþenkis

  • Höfundur: Ritstjórn Forlagsins

Pétur Gunnarsson rithöfundur hlaut í gær viðurkenningu Hagþenkis árið 2009 fyrir ævisögu sína um Þórberg Þórðarson. Viðurkenningarhátíðin fór fram í Þjóðarbókhlöðunni  þar sem framkvæmdastýra Hagþenkis, Friðbjörg Ingimarsdóttir afhenti Pétri Gunnarssyni viðurkenningarskjal fyrir hönd félagsins og kr. 750.000 í verðlaunafé.

Í ræðu sinni sagði Hrefna Róbertsdóttir, formaður viðurkenningaráðs Hagþenkis, meðal annars um bækur Péturs:

„Höfundur leggur sig allan fram við að reyna að skilja þann margbrotna og sérstæða persónuleika sem Þórbergur var og gerir það þannig að maðurinn verður ljóslifandi, mennskur og stundum berskjaldaður í sinni sérvisku og breyskleika … Umfjöllunin er opinská, heiðarleg, hlý og djúp.“

Viðurkenningarráð fyrir árið 2009 var skipað fimm félagsmönnum Hagþenkis af ólíkum fræðasviðum og hafa þeir fundað reglulega síðan um miðjan október. Í ráðinu voru auk Hrefnu þau Ingólfur V. Gíslason félagsfræðingur, Jónína Vala Kristinsdóttir uppeldis- og menntunarfræðingur, Kristín Unnsteinsdóttir uppeldis- og kennslufræðingur og Jóhann Óli Hilmarsson fuglafræðingur og ljósmyndari.

Smelltu hér til að lesa ávarp Péturs.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd