Prakkaraskapur í þremur bindum

  • Höfundur: Ritstjórn Forlagsins
Mói hrekkjusvín - þrjár bækur

Nú eru allar sögurnar um Móa hrekkjusvín komnar út í nýrri útgáfu í þremur bókum: Kúrekar í Arisóna, Misskilinn snillingur og Landsmót hrekkjusvína, en sögurnar komu fyrst út í einni bók aldamótahaustið 2000 sem hlaut Barnabókaverðlaun fræðsluráðs Reykjavíkur vorið eftir. Nýju bækurnar eru með stóru og góðu letri sem hentar vel fyrir þá sem eru að æfa sig að lesa og prýddar fjölda mynda eftir Lindu Ólafsdóttur. Sögurnar af Móa gerast í litlum bæ á Íslandi snemma á 8. áratugnum og ýmislegt sem sagt er frá vekur eflaust upp góðar minningar hjá jafnöldrum hans, en fyrir nútímabörnum er sögusviðið í senn horfin ævintýraveröld og síungur heimur barnæskunnar þar sem prakkarastrikunum eru engin takmörk sett.


Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd