Sexfaldar hamingjuóskir

  • Höfundur: Ritstjórn Forlagsins

Rithöfundarnir Vilborg Davíðsdóttir, Árni Heimir Ingólfsson og Þórdís Elva Þorvaldsdóttir hlutu í gær tilnefningar til Íslensku bókmenntaverðlaunanna ásamt fleirum. Tilkynnt var um tilnefningarnar við hátíðlega athöfn í Listasafni Íslands. Vilborg hlýtur tilnefningu fyrir skáldsögu sína Auði, þar sem hún segir frá viðburðaríku tímabili í sögu landnemans Auðar djúpúðgu, Árni Heimir Ingólfsson er tilnefndur fyrir ævisöguna um tónskáldið Jón Leifs og Þórdís Elva fyrir rómaða bók sína Á mannamáli sem fjallar um kynbundið ofbeldi á Íslandi.

Einnig var tilkynnt um tilnefningar til Íslensku þýðingaverðlaunanna í gær og hlutu bækur Forlagsins þrjár slíkar. Kristján Árnason er tilnefndur fyrir þýðingu sína á meistaraverki Óvíds, Ummyndunum,  en bók sú kemur út hjá Máli og menningu, María Rán Guðjónsdóttir er tilnefnd fyrir þýðingu sína á Kirkju hafsins sem kemur út hjá JPV og Guðbergur Bergsson er tilnefndur fyrir ljóðasafn sitt, Öll dagsins glóð, er geymir úrvalsþýðingar hans á portúgalskri ljóðlist.





Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd