Síðustu konfektmolarnir …

  • Höfundur: Ritstjórn Forlagsins
höfundar

Nú er komið að lokum upplestrarkvölda Forlagsins undir yfirskriftinni Bókakonfekt að sinni. Fjórða Bókakonfektið fer fram á Café Rosenberg næstkomandi sunnudagskvöld, 20. nóvember, og hefst kl. 20.30.

Sem fyrr les flokkur úrvalshöfunda úr nýútkomnum bókum. Þetta eru: Eva María Jónsdóttir og Óskar Jónasson sem lesa úr Dans vil ég heyra, Jón Yngvi Jóhannsson úr Landnámi – Ævisögu Gunnars Gunnarssonar, Guðmundur Andri Thorsson úr Valeyrarvalsinum og Vigdís Grímsdóttir úr Trúir þú á töfra? Guðrún Pétursdóttir, Ólafur Hannibalsson og Herdís Egilsdóttir lesa úr bókinni Sólarmegin, Þórunn Erlu-Valdimarsdóttir og Jakob Frímann Magnússon úr Með sumt á hreinu og Þorleifur Hauksson og Vilborg Dagbjartsdóttir úr bókinni Úr þagnarhyl.

Bókakonfektið hefur kætt geð margra á undanförnum vikum og enginn ætti að láta þessa síðustu mola úr greipum ganga — hægt er að lofa hnossgæti fyrir munn og eyru, aðgangur er sem fyrr ókeypis og fyrstu hundrað gestirnir fá frían drykk.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd