Skrímsli í Gerðubergi

  • Höfundur: Ritstjórn Forlagsins
Skrímsli bjóða heim í Gerðubergi

Upplifunarsýningin Skrímslin bjóða heim opnaði nýlega í Gerðubergi við mikla gleði og hafa nú yfir 4000 gestir heimsótt hana. Skrímslasýningin er sérstaklega hugsuð sem tækifæri fyrir fjölskyldur að eiga notalega stund saman, blaða í bók, leysa þrautir og kynnast betur skrímslunum tveimur sem fyrir löngu eru orðin góðkunningjar lesandi barna.

Á sýningunni ganga gestir inn í heim litla og stóra skrímslisins og upplifa veröldina frá þeirra sjónarhorni. Meðal þess sem hægt er að gera er að líta inn á heimili stóra skrímslisins eða heimsækja litla skrímslið, fara um vinalegan skrímslaskóginn eða spennandi skúmaskot skrímslaþorpsins. Víðsvegar í sýningunni er hægt leika sér að hætti skrímslanna: leika með kubba eða liti, glíma við skrímslaskák og aðrar þrautir. Svo þurfa skrímslin auðvitað stöðuga hjálp gesta við að hafa uppi á skrímslakisa sem iðulega týnist í dagsins önn.

Bækurnar um litla og stóra skrímslið eru samstarfsverkefni Áslaugar Jónsdóttur, Rakel Helmsdal og Kalle Güettler og eru skrifaðar á íslensku, færeysku og sænsku. Þær hafa notið mikilla vinsælda síðustu ár, verið þýddar á fjölmörg tungumál og unnið til fjölda viðurkenninga og tilnefninga, svo sem Íslensku myndskreytiverðlaunin Dimmalimm, Barnabókaverðlaun Menntaráðs Reykjavíkur, Bókaverðlaun starfsfólks bókaverslana, Bókaverðlaun barna og unglinga í Svíþjóð, hlotið tilnefningu til Fjöruverðlaunanna, tilnefningu til bókaverðlauna í Frakklandi, tilnefningu til Barna og unglingabókmenntaverðlaun Norðurlandaráðs og nú síðast var bókin Skrímslakisi tilnefnd á alþjóðlegan Heiðurslista IBBY.

Sýningarhönnun og stjórn er í höndum Áslaugar Jónsdóttur og Högna Sigurþórssonar. Í tengslum við sýninguna verður boðið upp á  föndursmiðjur fyrir fjölskyldur, sjá nánar á heimasíðu og facebooksíðu Borgarbókasafnsins.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd