Skrímsli í Madríd

  • Höfundur: Ritstjórn Forlagsins
Skrímslahöfundar

„Skrímslahöfundarnir“ okkar Áslaug Jónsdóttir, Kalle Güettler og Rakel Helmsdal eru nýkomin heim frá Spáni þar sem þau sóttu heim bókakaupstefnu í Madríd. Norðurlöndin eru heiðursgestur sýningarinnar að þessu sinni og vildu skipuleggjendur gera barnabókmenntum sérstaklega hátt undir höfði. Þremenningunum var því boðið til Madrid þar sem þau kynntu skrímslabækurnar sínar fyrir húsfylli, árituðu þær í sölubási Norðurlandanna og héldu tvær teiknismiðjur fyrir börnin. Teiknismiðjunar slógu eftirminnilega í gegn, mætingin var afbragðsgóð og þar fæddust ófá dásamleg skrímsli.

Stórblaðið El Pais ræddi við Áslaugu og félaga og birtist viðtalið nú fyrir skömmu. Þar ræddu þau meðal annars um óvenjulega vinnuaðferðir sínar en þremenningarnir skrifa og teikna hvert í sínu landi, Áslaug á Íslandi, Rakel í Færeyjum og Kalle í Svíþjóð. Samskiptin fara þá fram með hundruðum tölvuskeyta en einu sinni á ári hittast þau til að bera saman útkomuna og vinna að lokagerð hverrar bókar. Að meðaltali tekur það þau þrjú ár að vinna hverja bók. „Þetta tekur langan tíma en útkoman er góð. Sérhvert okkar leggur til hugmynd sem við svo ræðum í gegn um tölvupóst og það gefur tilefni til mikilla umræðna“.  Það má ekki gleyma því að textarnir eru skrifaðir á þremur mismunandi tungumálum.

Viðtalið í heild sinni má lesa hér.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd